PEN, MIGHTER THAN SWORD...eDiToRiAL

  

In the market of ideas, no one has the monopoly, Even the meek and the lowly has at least a story to tell.

Sa pang araw-araw na pakikisalamuha ng tao sa kapwa, naroon lagi ang palitan ng mga ideya, tunggalian ng isip, at brasuhan ng paniniwala. Ito ang tunay na nangyayari, mula sa tahanan hanggang sa kalye.

Sa isang collegial body o deliberative body tulad ng kongreso o kahit ng isang maliit na konseho, an gating mga representante ay ating ibinoto upang makipagtagisan ng talino at tumulong sa pagbuo ng mga batas na idinaraan sa isang maigting na deliberasyon, upang sa huli ay makabuo ng isang alituntuning susundin ng lahat, proponent man o appointees.

At tulad sa merkado, kung hindi ka maingat sa pagpili sa bunton ng kamatis, may nahahalo itong bulok at walang kapakinabangan. Sa konseho man ay may bulok din. Kapag nagkamali ka ng pili, darami ang miyembro ng “committee on silence”

Sabi ng iba, ito ay dahil sa bulag o nagbubulag-bulagan ang namimili o botante. Noon, “blood is thicker than water”.  Ngayon, “money is thicker blood”. Kaya, magkapatid man at magkadugo ay nagpapatayan upang makapasok sa konseho, matino man o bulok.

Ikalawa, sa panahon ng eleksiyon, bawat boto ay mahalamilyon-milyga. Mahalaga dahil ito ay nagkakahalaga ng P5,000 – P10,000. Kaya kapag naluklok ang isang nanalo, sasabihin nito na ang bayan ay bayad na at ngayon naman ay ang pagbawi ng  milyon-milyong nagasta.

Ating isipin bayan, ang isang senador ay gumagastos ng humigit kumulang P300 million. Ang isang congressman naman ay P50 – P100 million. Magkano ba ang suweldo ng isang senador o kongresista sa loob ng tatlong taong pagkakaupo? Sigurado ko, walang matinong gagawin iyan kung hindi ang babawiin  sa nakaraang nagastos nito.

Huwag na tayo lalayo, dito man sa Autonomous region ay mayroon ding kahalintulad na pangyayari. Sabi nga ng mga nakaaalam, may malala dito sa atin.

Manood ka sa mga sessions, makikita mo ang maraming mukha ng kabobohan. May parang batang naglalaro ng chair, may nagmamake-up, may kunwari ay nakikinig at nagbabasa, subalit  kapag tumayo na at nagsalita, Ingles kabayong masakit sa tenga ang maririnig mo. Pito – pitong  ingles at bali pa ang ika-pito.

Kaibigan, hindi ka pumasok sa isang templo upang mag-reflect o mag meditate. Nasa RLA ka kaibigan, at dapat lang na mag-ingay ka.

Ipagbili o ibenta mo ang iyong mga brilliant ideas. Ipaglaban mo ang mga hinaing ng iyong constituency. Hilutin mo ang iyong dila at iparinig mo ang laman ng iyong isipan. Dito ka binabayaran, dito ka inaasahan.

Ito po ang inyong lingkod, Rey Pelaez na nagpapaalalang tulad ng isang panliligaw, hinto ito nakukuha sa papogi-pogi at pangiti-ngiti lamang. At tulad ng isang honorable, dapat hindi ka lamang may honor, able, at competent ka pa sana. Magbago kana kaibigan, samahan mo si Noynoy sa tuwid na daan, na may tuwid na dila at kaisipan. Huwag kang magwang-wang sa iyong kabobohan.

SOURCE: REY PELAEZ-BPI ARMM